Bejko thirrje qytetarëve: Dilni dhe votoni kundër politikës së vjetër

Kandidati i Partisë Demokratike për Bashkinë Tiranë, Roland Bejko në një deklaratë për mediat i bëri thirrje të gjithë qytetarëve, jo vetëm atyre demokratë, të japin kontributin e tyre me votë.

Bejko theksoi se vetëm duke votuar shqiptarët mund t’i japin fund politikës së vjetër 32-vjeçare, që siç tha përpiqet të mbajë peng vendit duke ofruar klimën e tensionit dhe konfliktit.

“Politika e vjetër po përpiqet ta mbajë peng më shumë se kurrë që t’ju ofrojë shqiptarëve klimën e tensionit dhe të parregullsive sipas traditës së mbrapshtë 32-vjeçare, por ne e dimë, ju e dini, se këto zgjedhje janë për gjithë shqiptarët, të cilët sot me pjesëmarrjen e tyre kanë mundësinë t’i japin një leksion të shkuarës që e mban peng Shqipërinë. Sot nuk është koha për të bërë sehir dorëzuar përballë të keqes që ka mbjellë politika e vjetër, por të ushtroni demokracinë që iu jep e drejta e votës.  Ndaj në emër të PD, në emër të të ardhmes tonë, ju bëj apel ju të dashur bashkëqytetarë të Tiranës dhe të gjithë Shqipërisë Mos prisni që politika e vjetër të dorëzohet, por dilni e votoni, votoni kundër saj”, tha Bejko.

LEXONI GJITHASHTU:

• Pjesëmarrja në votime deri në orën 17:00
• Zgjedhjet/ Celibashi raporton të dhënat e fundit: Bashkitë më me shumë probleme