Korrespondenti i Euronews Albania, Grisel Zenuni tregoi detaje nga aksidenti tragjik mbrëmjen e së mërkurës në hyrje të qytetit te Poliçanit.

Një 17-vjeçar ka humbur jetën dhe 3 të tjerë janë plagosur. Një nga vajzat e mitura është nisur me urgjencë në Spitalin e Traumës në Tiranë, ndërsa drejtuesi i mjetit 15-vjeçar është larguar nga spitali sepse gjendja e tij ishte e qëndrueshme.

“Kjo është diçka që ka ndodhur edhe më parë. 15-vjeçari shpesh merrte makinën e familjarëve dhe bënte xhiro në rrugët dytësore të fshatit. Rruga ku ka ndodhur aksidenti është dytësore, një kalimshe, është e pamundur që të shkëmbehen dy makina. Në vendin e aksidentit absolutisht nuk ka pasur ndriçim. Besoj kjo do të jetë një nga shkaqet kryesore të aksidentit sepse përveç faktit që nuk kishte ndriçim dhe sapo ishte errur, në atë rrugë ishte kalim vetëm për një makinë,” – u shpreh Zenuni.

LEXONI GJITHASHTU:

• Aksident i rëndë në hyrje të Poliçanit, 1 i vdekur dhe 3 të plagosur
• INSTAT: Rriten aksidentet si pasojë e sjelljes së këmbësorëve