Benzema nis stërvitjet pas dëmtimit, francezët e presin në Botërorin e Katarit

Lojtari francez, Karim Benzema mund t’i bashkohet kombëtares së Francës në fazën eliminatore të Kupës së Botës në Katar, pas rikuperimit nga dëmtimi.

Gazetari sportiv spanjoll, Carlos Rodríguez raporton se Benzema do të jetë në stërvitjen e Real Madrid të enjten, teksa skuadra madrilene përgatitet për pjesën e mbetur të sezonit, shkruan Euronews Serbia.

Federata Franceze e Futbollit (FFF) njoftoi më 19 nëntor se Benzema do të humbasë Kupën e Botës për shkak të një dëmtimi në kofshën e majtë. Më pas, në deklaratë thuhej se lojtari i Realit do të duhet të pushojë për tre javë.

Trajneri francez Didier Deschamps vendosi të marrë 25 lojtarë në Katar, pasi nuk thirri zëvendësues për Benzema.

Mediat spanjolle raportojnë se lojtarët e Realit, të cilët nuk po marrin pjesë në Botëror, do të nisin përgatitjet për vazhdimin e sezonit dhe mes tyre duhet të jetë edhe Benzema.

Madje, disa media spanjolle theksojnë se ekziston mundësia që Benzema t’i bashkohet kombëtares franceze në fazën eliminatore të Botërorit të Katarit, por drejtuesit e FFF nuk kanë dashur të komentojnë këtë informacion.

LEXONI GJITHASHTU

• Brazili kalon në fazën e 1/16, Zvicra vendos kualifikimin në ndeshjen ndaj Serbisë
• Ndodh në Katar, ikin dritat në stadium gjatë ndeshjes Brazil-Zvicër
• Mbyllet në barazim pjesa e parë mes Brazilit dhe Zvicrës