English

Beqaj nga SPAK: Tarifa të larta, vetëm për një USB duhet të paguajmë 10 milionë lekë

KOMENTE

SHPERNDAJE
ARTIKULLIN

Text sizeAa Aa

Ish-ministri i Shëndetësisë, Ilir Beqaj, është shprehur se tarifat që ai dhe personat e tjerë nën hetim për çështjen e “Sterilizimit” duhet të paguajnë për të parë fashikujt e SPAK, është shumë e lartë.

- Advertisement -

Përmes nje deklarate për mediat pasi doli nga SPAK, Beqaj tha se vetëm për një USB ose Hard-disk ku janë të skanuara të gjitha faqet, secili prej personave nën hetim duhet të paguajë nga 10 milionë lekë të vjetra.

Ai tha gjithashtu se vetëm gjatë ditës së sotme, ai së bashku me avokatin e tij kanë parë nga afër 15 fashikuj, por sipas tij dosja është tejet voluminoze dhe ligji të lejon vetëm 10 ditë kohë për këtë proces, pra për të parë vetë nga afër dosjen e SPAK.

“Unë dhe avokati arritëm të shohim 15 fashikuj të tillë. Dosja është voluminoze. Por ligji lejon vetëm 10 ditë për këtë proces. Në vijim të të drejtave që kemi, kemi paraqitur memot, kemi bërë kërkesa për veprime shtesë hetimore që nuk janë të pakta dhe gjithashtu kemi bërë kërkesë që unë të jap deklarimet e mia dhe të pyetem sërish nga hetuesit.

Legjislacioni i brendshëm i SPAK që rregullon kostot e procedimeve është në faqen ueb të SPAK dhe ju mund ta konsultoni të gjithë. Unë kam pajtuar një avokat dhe shpenzimet për mbrojtjen time i paguan studio ligjore dhe në fund do të bëjë faturat për mua.

Tarifat janë publike dhe në këtë rast janë jo të vogla. Praktikisht secili prej nesh, jemi 9 vetë në këtë proces, për të marrë vetëm një USB ku janë të skanuara të gjitha faqet, secili prej nesh duhet të paguajë 10 milionë lekë. Këto janë tarifat në fuqi për të cilat jemi të detyruar të ndjekim atë proces që kemi nisur para pak javësh”, tha Beqaj.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×