Berisha: Basha po bën përpjekje për t’i dhuruar përsëri pushtetin vendor Ramës

Ish-kryeministri Sali Berisha akuzon ish-kryedemokratin Lulzim Basha, se po përpiqet që t’i dhurojë përsëri pushtetin vendor kreut të qeverisë Edi Rama.

Gjatë një konference për mediat nga selia blu, Berisha tha se pas dorëheqjes së Bashës, doli platforma se kryetari i partisë duhej të zgjidhej pas zgjedhjeve vendore të vitit 2023.

Sipas tij, ky ishte një rast që do shfrytëzohej nga Rama.

“Gjërat duhet t’i shohim në rrafshin politik. Janë disa përpjekje për t’i dhuruar përsëri Edi Ramës pushtetin vendor. Edi Rama është i pamëshirshëm në armiqësinë e tij ndaj opozitës. Ai po përpiqet ta shfrytëzojë këtë. Pas mbledhjes kur Basha dha dorëheqjen, doli platforma se kryetari i partisë duhet të zgjidhet pas zgjedhjeve vendore. Imagjinoni se çfarë dhurate do t’i bëhej Edi Ramës”, tha Berisha.

Për kreun e Grupit Parlamentar rë PD-së Enkelejd Alibeaj, Berisha tha ai po tregon me veprimet e tij se është peng politik.

LEXONI GJITHASHTU

• Alibeaj refuzoi ofertën për bashkimin e PD-së, thotë Berisha
• Berisha: Kongresi i PS-së, për fshehjen e aferës së inceneratorëve