Berisha: Pasaporta e artë, thirrje kriminelëve për të ardhur në Shqipëri

“Pasaporta e artë e Edi Ramës është thjesht një thirrje, narkotrafikant dhe kriminelë të të gjithë rajonit, Evropës dhe botës, bashkohuni në Shqipëri”.

Kështu u shpreh kryetari i Partisë Demokratike, Sali Berisha në një deklaratë për mediat nga selia blu, këtë të premte.

Sipas tij, dhënia me koncension nga qeveria të pasaportave për shtetasit e huaj që mund të investojnë në Shqipëri, është mekanizmi i fundit pas legalizimit të kanabisit dhe amnistisë fiskale, për ta shndërruar vendin në parajsën e drogës dhe të trafiqeve.

“Pasaporta e artë e Edi Ramës është thjesht një thirrje, narkotrafikant dhe kriminelë të të gjithë rajonit, Evropës dhe botës, bashkohuni në Shqipëri. Partia Demokratike deklaron se pas nismës për legalizimit të kanabisit, amnistisë fiskale, pasaporta e artë është dhe mekanizmi i tretë dhe i fundit i trinomit të shndërrimit të Shqipërisë në parajsën tokësore të drogës, trafiqeve dhe krimit rajonal, evropian dhe botëror.

Pashaporta e artë, në vendet ku shteti ligjor funksionon, është një mundësi e përdororur nga ato qeveri dhe vende për të thithur investime të huaja. Kurse, pasaporta e artë në narkoshtetin e parë dhe të vetëm në Evropë siç është Shqipëria, është një kanal i zi për të larë narkoeurot e trafikantëve të rajonit”, theksoi kryedemokrati.

Qeveria shqiptare po kërkon investitorë të huaj të cilët mund të sjellin paratë e tyre në Shqipëri dhe të përfitojnë shtetësinë shqiptare. Përmes një VKM-je, qeveria ka vendosur që një pjesë të procedurave t’i japë me koncension.

Por Bashkimi Evropian ka shprehur rezerva lidhur me aplikimin e pasaportës se arte. Euroneës Albania pyeti zyrën e shtypit të BE, lidhur me këtë nismë të qeverise shqiptare.

Ana Pisonese zëdhënëse e Komisionit Europian, deklaroi se këto projekte rrezikojnë përfshirjen e krimit të organizuar dhe skemat e pastrimit të parave.

LEXONI GJITHASHTU

• BE kundër ‘pasaportave të arta’: Nxisin krimin e organizuar dhe pastrimin e parave
• Qeveria shqiptare koncension ‘pasaportave’ për invesitorët e huaj