Berisha: Veprimtaria Rama-McGonigal ka degëzime të mëdha në Tiranë e Durrës

Kreu i PD-së Sali Berisha në fjalën e tij në Kuvend ku po mbahet mocion me debat me kryeministrin Rama, tha se veprimtaria e tij së bashku me zyrtarin e FBI-së ka degëzime në Tiranë dhe Durrës.

Ai tha ndër të tjera se Shqipëria nuk mund të kapërcejë këtë problem të tmerrshëm të krijuar nga një njeri që nuk ka asnjë ligj, normë apo Kushtetutë përveç interesave të tij personale.

“Po lexoj një nen të rregullores dhe po e shkelni me këmbë një nen të Kushtetutës të Shqipërisë, që detyron parlamentin të ngrejë komisionet hetimore pasi firmosin një e katërta e deputetëve.  Deputetët po ushtrojnë të drejtën e tyre kushtetuese për një nga aferat më tronditëse të kohës, implikimin direkt të kreut tuaj në rekrutimin, korruptimin e kryeagjentit të FBI si vrasës me pagesë kundër opozitës shqiptare Veprimtaria Rama-McGonigal, antiligjore në të dy vendet, ka degëzime shumë të mëdha në Tiranë.

Janë një seri çështjesh që duhet të marrin përgjigje nga komisioni hetimor parlamentar.  Kurrë Shqipëria nuk mund të kapërcejë këtë problem të tmerrshëm të krijuar nga një njeri që nuk ka asnjë ligj, normë apo Kushtetutë përveç interesave të tij personale. Kemi të bëjmë me një nga aktet më antikushtetuese, ku përdoren të gjitha mjetet për shkatërrimin e opozitës. Kemi të bëjmë me një grup mafioz që përdori pushtetin e FBI dhe të qeverisë për të gjobitur biznesmenë në rrugët e Tiranës dhe Durrësit”- tha Berisha.

LEXONI GJITHASHTU: 

• Rama 24-orë përballë opozitës, nis seanca për mocionin me debat me kryeministrin
• “Kisha 4 për të vrarë”, Euronews Albania zbardh dëshminë e plotë të Dan Hutrës