Festivali Ndërkombëtar i Filmit  të Berlinit ka pezulluar një ndër çmimet e tij kryesore pas akuzave se regjisori që e ka themeluar atë, Alfred Bauer, ka qenë i përfshirë në organizimin e propagandave naziste.

Në një artikull të Die Zeit, është përfolur e shkuara e dyshimtë e Bauerit, ku ndër të tjera sugjerohej se Bauer ishte anëtar i partisë naziste dhe i trupave paraushtarake naziste të periudhës së para luftës.

[twitter_feed=https://twitter.com/berlinale/status/1222586021617029124]

Bauer gjithashtu dyshohet se ka luajtur një rol kyç  në “Goebbels’ Reichsfilmintendanz”, organi i themeluar nga ministria e propagandës më 1942-shin për të kontrolluar industrinë e kinematografisë.

Në një raport të partisë naziste, Bauer përshkruhej si “një entuziast, qëndrimet politike të së cilit janë të pagabueshme”.

Alfred Bauer ka qenë kryetari i Berlinales nga fillimi i viteve 1950 deri ne mesin e viteve ‘70.

Ai vdiq në 1986-n ndërsa një vit më pas në emër të tij u krijua çmimi Alfred Bauer.

Këtë vit Berlinalja do të zhillohet nga data 20 shkurt deri më 1 mars.