Beteja e Assange/ Themeluesi i Wikileaks apelon ekstradimin nga Britania drejt SHBA

Themeluesi i Wikileaks, Julian Assange po bën përpjekjen e fundit ligjore për të apeluar ekstradimin nga Britania në Shtetet e Bashkuara.

Assange, që nuk është paraqitur personalisht në Gjykatën e Lartë të Londrës për shkak të një sëmundjeje, ndodhet në një burg të Mbretërisë së Bashkuar që prej 2019-s, pasi kërkohet nga amerikanët për zbulim të sekreteve ushtarake në vitet 2010 dhe 2011, kur krijoi portalin e tij.

Në vitin 2021, Gjykata e Lartë britanike vendosi se ai duhet të ekstradohej, duke hedhur poshtë pretendimet e mbrojtjes se gjendja e tij e rëndë mendore mund ta shtynte të vriste veten në një burg amerikan.

LEXONI GJITHASHTU: 

• “X” pezullon profilin e bashkëshortes së Alexei Navalny e paaksesueshme
• Raporti: Rusia po rindërton kapacitete për të destabilizuar Evropën