Biden apel Netanyahut, Hamasi: Bisedimet drejt dështimit total
Presidenti amerikan Joe Biden e ka vënë theksin tek urgjenca për arritjen e një marrëveshjeje që do t’i jepte fund luftimeve në Gaza dhe do të çonte në lirimin e pengjeve, në një bisedë me kryeministrin izraelit Benjamin Netanyahu.
Në bisedën telefonike të zhvilluar të mërkurën, ku mori pjesë edhe zëvendës presidentja Kamala Harris, Biden deklaroi se është e rëndësishme të tejkalohen pengesat e mbetura në arritjen e akordit me lëvizjen islamike të Hamasit.
Ai riafirmoi zotimin e Uashingtonit për të mbrojtur Izraelin nga kërcënimet e Iranit, si dhe nga milicitë e Hamasit, Hezbollahut dhe rebelëve Huthi.
Bisedimet mes dy liderëve erdhën pasi sekretari amerikan i Shtetit, Antony Blinken zhvilloi një tur diplomatik në Lindjen e Mesme, në përpjekje për të arritur një marrëveshje mes palëve.
Zyra e kryeministrit Netanyahu përsëriti se Izraeli planifikon t’i mbajë trupat në një brez toke përgjatë kufirit mes Gazës dhe Egjiptit, edhe në rast se një marrëveshje e tillë arrihet.
“Izraeli do të insistojë për arritjen e objektivave të luftës, të cilët janë përcaktuar nga kabineti i sigurisë e që përfshijnë garancinë që Gaza nuk do të përbëjë më kurrë një kërcënim për sigurinë e Izraelit. Dhe kjo kërkon sigurimin e kufirit jugor”, thuhet në një deklaratë të qeverisë hebraike.
Arritja e marrëveshjes është vështirësuar pasi Hamasi kërkon një tërheqje totale të trupave izraelite nga Gaza. Gjithashtu, edhe Egjipti kërkon që trupat e dërguara nga Tel Avivi të mos jenë më të pranishme në kufirin e tij me Gazën.
Fundjavën e kaluar, vetë presidenti Biden deklaroi se arritja e akordit mes palëve ishte më afër se kurrë, por ndërmjetësit e Hamasit e mohuan një gjë të tillë, duke e quajtur një “iluzion” dhe duke deklaruar se bisedimet e mbajtura në Katar janë në prag të dështimit total.
LEXONI GJITHASHTU:
Kryefaqja
Aksident i rëndë në aksin Vranisht-Vlorë, makina përplas për vdekje 80-vjeçaren
“10 mijë euro për t’u bërë mësues”, Koka: Ja sa paguhet për t’u futur në sistemin arsimor
“Jemi në trenin e duhur për në BE”, Muzhaqi: Mali i Zi në proces më të avancuar se Shqipëria
- 08:10 Mbappe nuk arrin finalen e Kupës së Botës, por mbetet në garën e “Këpucës së Artë”
- 07:59 OKB: Qershori shënon muajin më vdekjeprurës për civilët në Ukrainë që nga prilli i vitit 2022
- 07:51 Ushtria amerikane godet dhjetëra objektiva në raundin e fundit të sulmeve ndaj Iranit
- 07:46 Të rinjtë gjermanë refuzojnë shërbimin ushtarak, teksa Berlini përpiqet të forcojë ushtrinë
- 07:40 Kina arreston shkencëtarin amerikan që studioi testet bërthamore të Koresë së Veriut, akuzohet për spiunazh
- 07:30 Spanja mposht Francën 2-0 dhe kualifikohet në finalen e Kupës së Botës 2026