Biden: Çfarë SHBA do të bëjë dhe çfarë jo për Ukrainën

Presidenti i SHBA, Joi Biden ka publikuar një opinion për luftën në Ukrainë, ku tregon deri në çfarë pike do të arrijnë veprimet e vendit të tij për të ndihmuar Kievin.

Biden shprehet se populli ukrainas ka befasuar Rusinë dhe frymëzuar botën me sakrificat e tyre. Ai thotë se SHBA do të jenë krah tyre me mbështetje të paprecedentë ushtarakisht dhe financiarisht.

Në opinionin e publikuar në gazetën ‘New York Times’, Biden veçon këto pika:

Çfarë do bëjë SHBA për Ukrainën?

– Do dërgojë më shumë armë dhe municione (sistem raketash të avancuara, raketa antitank, radarë, artileri të rëndë)

– Do dërgojë miliarda dollarë ndihmë financiare (siç u autorizua nga Kongresi).

– Do të bashkëpunojë me aleatët dhe partnerët për të zgjidhur krizën globale të ushqimit të shkaktuar nga agresioni rus.

– Do ndihmojnë aleatët europianë të ulin vartësinë nga gazi dhe nafta ruse, për të bërë tranzicion në energji më të pastër.

– Do të përforcojë NATO-n, duke mirëpritur aplikimet e Suedisë dhe Finlandës.

Çfarë nuk do të bëjë SHBA për Ukrainën?

– Nuk do heqë nga pushteti Vladimir Putin.

– Nuk do të dërgojë trupa për të luftuar apo sulmuar forcat ruse.

– Nuk do përkrahin Ukrainën për të sulmuar jashtë kufijve të saj.

– Nuk do t’i bëjë presion autoriteteve ukrainase të bëjnë marrëveshje për territorin e tyre.

– Nuk do të përdorë armë bërthamore.