Biden: Kina nuk i ka ofruar armë Rusisë për luftën në Ukrainë

Presidenti i SHBA, Joe Biden deklaroi se Kina nuk i ka ofruar armë Rusisë për luftën e saj në Ukrainë.

Deklaratën, Biden e dha gjatë një konference të përbashkët për shtyp me kryeministrin e Kanadasë, Justin Trudeau.

“Kam dëgjuar tani për tre muajt e fundit se Kina do të ofrojë armë të rëndësishme për Rusinë. Ata nuk e kanë bërë ende, nuk do të thotë se nuk do ta bëjnë, por nuk e kanë bërë ende,” theksoi ai.

Ndër të tjera, Biden u shpreh se nuk është i alarmuar pas takimit midis presidentit kinez Xi Jinping dhe presidentit rus Vladimir Putin në Moskë.

“Shiko, unë nuk e marr lehtë Kinën. Nuk e marr lehtë Rusinë, por mendoj se ne e ekzagjerojmë shumë atë”, nënvizoi ai.

LEXONI GJITHASHTU

• Kërcënimi rus, vendet nordike planifikojnë mbrojtje të përbashkët ajrore
• “Po e ekzagjerojmë”, Biden minimizon forcën e aleancës Rusi-Kinë