Biden ndalon importin e uraniumit të pasuruar nga Rusia

Presidenti amerikan Joseph Biden nënshkroi një ligj që ndalon importin e uraniumit të pasuruar, karburanti bërthamor për prodhimin e energjisë elektrike në termocentralet bërthamore, në Shtetet e Bashkuara të Amerikës nga Rusia.

Ky ndalim i karburantit bërthamor do të hyjë në fuqi për rreth 90 ditë, por Departamenti i Energjisë i SHBA-së lejohet të japë përjashtime deri në vitin 2027, në rast se ka shqetësime për mungesë karburanti, raporton Reuters.

Presidenti amerikan Joseph Biden nënshkroi një ligj që ndalon importin e uraniumit të pasuruar për prodhimin e energjisë elektrike në termocentralet bërthamore, në Shtetet e Bashkuara të Amerikës nga Rusia.

Ky ndalim i karburantit bërthamor do të hyjë në fuqi për rreth 90 ditë, por Departamenti i Energjisë i SHBA-së lejohet të japë përjashtime deri në vitin 2027, në rast se ka shqetësime për mungesë karburanti, raporton Reuters.

Projektligji autorizon gjithashtu 2.7 miliardë dollarë për të financuar ndërtimin e industrisë së karburantit bërthamor të SHBA-së, 24 përqind e uraniumit të pasuruar të përdorur në termocentralet bërthamore të së cilës vjen nga Rusia.

“Presidenti Biden miratoi një seri historike veprimesh që do të forcojnë sigurinë energjetike dhe ekonomike të vendit tonë duke reduktuar dhe eliminuar përfundimisht varësinë tonë nga Rusia”, tha këshilltari i Sigurisë Kombëtare i Shtëpisë së Bardhë, Jake Sullivan.

Ai përkujtoi se është një ligj që përmbush synimet shumëpalëshe që SHBA-ja i parashtroi në dhjetor të vitit të kaluar me Kanadanë, Francën, Japoninë dhe Britaninë e Madhe për një investim të përbashkët prej 4.2 miliardë dollarësh për të rritur kapacitetin e këtyre vendeve në përdorimin e uraniumit.

Ambasadori rus në SHBA, Anatoli Antonov, vlerësoi se ky ligj do të krijojë tronditje në ekonominë ndërkombëtare, por se nuk do të sjellë rezultatet e dëshiruara.

“Balanci delikat midis eksportuesve dhe importuesve të uraniumit do të prishet. Jeta ka konfirmuar se ekonomia ruse është e gatshme për çdo sfidë dhe se ajo i përgjigjet shpejt vështirësive, madje edhe duke nxjerrë përfitime. Kështu do të jetë edhe këtë herë”, tha ambasada ruse, lexohet njoftimi në kanalin Telegram.

LEXONI GJITHASHTU:

• Trump akuzon Biden se po mban anën e terroristëve për protestat në universitet
• SHBA, Presidenti Biden dënon rritjen e antisemitizmit