Biden nënshkruan ligjin për kontrollin e armëve

Presidenti amerikan Joe Biden nënshkroi të shtunën në ligj legjislacionin e parë të madh federal për sigurinë e armëve, të miratuar në dekada.

Ky ligj erdhi pas vrasjeve në Texas të nxënësve të një shkolle dhe të shtënave në një supermarket në New York.

Kjo shënon një përparim të rëndësishëm të demokratëve dhe republikanëve në një nga çështjet më të diskutueshme të politikës në Uashington, shkruan CNN.

“Dashtë Zoti, kjo do të shpëtojë shumë jetë,” tha Biden ndërsa përfundoi nënshkrimin e projektligjit.

Dhoma e Përfaqësuesve miratoi të premten projektligjin me 234 vota pro, 14 prej të cilave erdhën nga radhët e republikanëve.

Senati e miratoi projektligjin në një votim që u zhvillua mbrëmjen e së enjtes. 15 republikanë iu bashkuan demokratëve në dhomën e sipërme të Kongresit për të miratuar masën me 65 vota pro dhe 33 kundër.

Projektligji

Masat përfshijnë kontrolle më të rrepta për personat mbi 21 vjeç që blejnë armë dhe se shitësit duhet të bëjnë kërkime mbi të shkuarën e blerësve.

Akti i ri përfshin 15 miliardë dollarë për programet e shëndetit mendor dhe përmirësimet e sigurisë së shkollave.

LEXONI GJITHASHTU

• Senati amerikan miraton projektligjin e parë për kontrollin e armëve
• Ligji për armët në SHBA, senatorët bien dakord për ndryshimet e reja