English

Biden paralajmëron Putinin: Kërcënimet e pamatura nuk e trembin SHBA dhe aleatët

KOMENTE

SHPERNDAJE
ARTIKULLIN

Text sizeAa Aa

Presidenti amerikan, Joe Biden ka paralajmëruar Rusinë duke thënë se Shtetet e Bashkuara nuk do të frikësohen nga kërcënimet e pamatura, pasi Vladimir Putin firmosi për aneksimin e katër rajoneve ukrainase.

- Advertisement -

Gjatë një fjalimi në Shtëpinë e Bardhë,  Biden u shpreh se SHBA dhe aleatët e saj nuk do të frikësohen nga presidenti rus, shkruan BBC.

“Amerika është plotësisht e përgatitur, me aleatët tanë të NATO-s, për të mbrojtur çdo centimetër të territorit të NATO-s. Zoti Putin, mos e keqkuptoni atë që po them: çdo centimetër”, theksoi ai.

Kremlini e ka bërë të qartë se çdo sulm ndaj rajoneve të reja të aneksuara, do të shihej si një sulm në tokën ruse, duke sinjalizuar një përshkallëzim të luftës.

Të mërkurën, Presidenti Putin nënshkroi një ligj për aneksimin e Donetsk, Luhansk, Zaporizhia dhe Kherson, pas zhvillimit të referendumeve në këto rajone.

Sipas zyrtarëve rusë, katër rajonet, të cilat përfaqësojnë rreth 15% të Ukrainës, votuan me shumicë për t’u bashkuar me Rusinë.

Të katër rajonet formojnë një rrip të rëndësishëm tokësor midis Rusisë dhe Gadishullit të Krimesë, të cilin Moska e aneksoi ilegalisht nga Ukraina në vitin 2014.

LEXONI GJITHASHTU

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×