Biden: SHBA, Egjipti, Katari do të punojnë për zbatimin e plotë të marrëveshjes

Presidenti i SHBA-së Joe Biden foli në telefon me presidentin egjiptian Abdel Fattah el-Sisi dhe emirin e Katarit Sheikh Tamim bin Hamad Al Thani, duke konfirmuar se të tre vendet do të “punojnë për të siguruar zbatimin e plotë” të kushteve të marrëveshjes së armëpushimit të Gazës, nëse Izraeli pajtohet me të dhe Hamasi.

Shtëpia e Bardhë thotë se Biden u tha të dy udhëheqësve se çështja e pengjeve të mbajtura nga Hamasi “është tani e vetmja pengesë për një armëpushim të menjëhershëm dhe ndihmë për civilët në Gaza”.

Udhëheqësit diskutuan marrëveshjen e pengjeve që po negociohet aktualisht, si dhe përpjekjet për të rritur ndihmën për Rripin e Gazës, shtoi Shtëpia e Bardhë.

Një delegacion i Hamasit është aktualisht në Kajro për bisedime mbi një marrëveshje me Izraelin të ndërmjetësuar nga Katari dhe Egjipti.

LEXONI GJITHASHTU:

• Biden bisedon me homologun meksikan për emigrimin
• Gallup: Biden në nivelin më të ulët të të gjitha kohërave, vetëm 38.7% mbështetje