Në Gjirokastër, çiftet e reja nuk po lindin më fëmijë. Për vitin 2024, ka 90 bebe më pak se një vit më parë. Emigrimi i të rinjve, tendenca e çifteve për të bërë më pak fëmijë, problemet ekonomike të familjeve të reja, po japin efekte negative në treguesit demografik të lindshmërisë.

“Lindshmëria në këtë maternitet krahasuar me një vit më parë është diçka më e ulët rreth 80-90 lindje më pak, pavarësisht se ne përfshijmë të gjithë zonën e Jugut, një pjesë të madhe të Sarandës, zonës së Delvinës, Tepelenë, Përmet dhe Gjirokastër”, Migena Kuro, Gjinekologe.

Ndryshimi i stilit të jetesës është një tjetër faktor që ka ndikuar, duke e shtyrë në vite lindjen e fëmijëve të parë.

“Të rinj të cilët ose vajza të cilat dëshirojnë të bëjnë karrierë është krejt normale sepse mendojnë të sigurojnë karrierën në fillim pastaj të krijojnë kushtet ekonomike të tyre, një shtëpi në mënyrë që të presin bebin në kushte optimale”, Migena Kuro, Gjinekologe.

Qarku i Gjirokastrës nga viti në vit po regjistron rënie të ndjeshme të lindjeve duke bërë që të renditet ndër qytetet me numrin më të vogël të popullsisë në vendin tonë.

LEXONI GJITHASHTU:

• Gripi prek fëmijët, Brati: Ka nisur qarkullimi. Problem temperatura shumë e lartë
• BE: Çështjet e arsimit dhe shëndetësisë në veri të Kosovës të adresohen në dialog