Biografia e munguar e Ismail Qemal Vlorës nga Evarist Beqiri

Ismail Vlora, njihet në histori si babai i pavarësisë së Shqipërisë. Në 28 Nëntor 1912, në krye të një grupi të gjerë përfaqësuesish nga të gjitha trojet shqiptare, ai shpalli Shqipërinë të mëvetshme dhe sovrane.

Në librarinë Adrion, me rastin e 180 vjetorit të lindjes se Ismail Vlorës u zhvillua një aktivitet me Evarist Beqirin, për librin “Themeluesi- lidershipi i Ismail Qemalit”, një libër i cili përtej një biografie të zakonshme, është një studim për figurën e Ismail Qemal Vlorës, ku autori në mënyrë brilante bën një kombinim mes përvojave të liderëve botërorë.

Por sa e njohim ne figurën emblematike të kryeministrit të parë shqiptar? I ndarë në 5 krerë, libri “Themeluesi- lidershipi i Ismail Qemalit”, na njeh me atin themelues të Shqipërisë moderne.

Tiparet e themeluesit të shtetit shqiptar vijnë në veprën e Evarist Beqirit duke riafirmuar Ismail Vlorën si figura më e ndritur politike e Shqipërisë bashkëkohore.