“Të sakrifikuarit” e Barcelonës nga kriza financiare, 5 lojtarë drejt largimit

Problemet financiare tek Barcelona vijojnë të mos gjejnë zgjidhje, duke i detyruar drejtuesit e klubit të ndërmarrin veprime të ndryshme. Së fundmi raportohet se disa lojtarë pritet të largohen verën e këtij viti, ndërsa dhe për sezonin e ardhshëm duhet të tregohen të kujdesshëm sa i përket veprimeve financiare.

Sipas asaj çka raporton Marca, 5 lojtarëve pritet t’u jepet dora këtë verë, mes tyre dhe mesfushori holandez Frenkie De Jong. Po ashtu dhe Balde, Christensen, Raphinha e Ansu Fati. Presidenti Joan Laporta dhe anëtarët e tjerë të bordit drejtues e dinë mirë se pavarësisht fitimit të trofeut të La Ligas, nuk mund të ketë zgjidhje të problemit të mbartur të pagave.

Krahas lojtarëve që do të largohen janë dhe ata të cilët cilësohen të paprekshëm si Leëandoëski, Gavi, Pedri apo Sergi Roberto e Araujo. Katalanasit zhvilluan një sezon deri diku pozitiv, ku janë shumë pranë fitimit të La Ligas, ndërsa dështuan që diçka të tillë të bëjnë edhe në Ligën e Kampionëve apo Europa League. Ndërkohë, sipas mediave spanjolle në përfundim të këtij sezoni do të nisë dhe restaurimi i stadiumit Camp Nou, ku për dy vitet e ardhshme, blaugranët do të luajnë në një tjetër impiant me afro 55 mijë vende.

LEXONI GJITHASHTU:

• Po shkëlqen me Barcelonën, dy ekipe angleze interesohen për sulmuesin brazilian
• Barcelona fiton sërish në La Liga, diferenca me Realin mbetet 9 pikë