Barcelona fiton sërish në La Liga, diferenca me Realin mbetet 9 pikë

Barcelona ka marrë një tjetër fitore në kampionat në prag të përballjes së El Clasicos ndaj Realit të Madridit, e cila luhet më 19 mars. Blaugranët triumfuan në transfertën e vështirë të Bilbaos me rezultat minimal, ndërsa vendësit e vendosën disa herë në vështirësi skuadrën e Xavit.

Goli i vetëm i përballjes erdhi nga sulmuesi Rapinha, ndërsa sistemi VAR konfirmoi pozicionin e tij, i cili ishe i rregullt. Vendësit barazuan pak minuta para fundit të sfidës me Ëilliams, ndërsa aksioni kishte nisur nga një prekje e topit me dorë nga një prej lojtarëve të Bilbaos duke e anulluar atë.

Katalanasit qëndrojnë në kuotën e 65 pikëve në krye, teksa 9 pikë më pas vijnë madrilenët e Ancelottit. Reali i Madridit konfirmon formë ne mirë që po kalon me një fitore ndaj Espanyolit, ndërsa në mesjavë pret në Bernabeu Liverpoolin në ndeshjen e kthimit të Uefa Champions League. Edhe Sevilla është kthyer tek fitorja, pas 3 ndeshjes radhazi pa triumuar, ndërsa po zhvillon një sezon aspak pozitiv.

Aktualisht kur mbeten edhe 13 javë në La Ligan spanjolle, Barcelona kryeson e qetë kampionatin, ndërsa pas saj vijnë dy ekipet e Madridit. Zonën Europë e plotësojnë Real Sociedad, Betis e Villareal.

LEXONI GJITHASHTU

• Ekskluzive/ Po shkëlqen me Rijekën, Selahi: Refuzova Belgjikën për Shqipërinë
• Partizani në fron për 5 ditë, Tirana rimerr kreun. Kukësi i jashtëzakonshëm