Bjellorusia fushatë për rekrutimin e ushtarëve përmes SMS-ve

Njoftimet SMS për rekrutimin në forcat e armatosura po prezantohen në Bjellorusi dhe raportimi në departamentin ushtarak pas marrjes së një mesazhi përmes telefonit celular do të jetë i detyrueshëm bazuar në ligjin e nënshkruar nga presidenti bjellorus Alexander Lukashenko, i cili u publikua sot në portalin kombëtar për informacion ligjor.

Ligji përcakton gjithashtu mundësinë e kryerjes së një thirrjeje për rekrutim jo vetëm në vendin e banimit, por edhe në vendin e punës ose vendbanimit të rekrutëve, raporton agjencia ruse Interfax.

Gjithashtu, ligji i ndryshuar detyron operatorët celularë të dorëzojnë të dhënat për numrat e abonentëve brenda një jave nga data e marrjes së kërkesës nga repartet ushtarake.

LEXONI GJITHASHTU:

• Bjellorusia nis stërvitjet ushtarake pranë kufirit me Ukrainën
• Bjellorusia mban zgjedhje nën masa të rrepta sigurie, opozita bën thirrje për bojkot