Bjellorusia përgatit një projektligj kundër marrëdhënieve LGBT

Bjellorusia ka përgatitur një projektligj që ndëshkon “promovimin e marrëdhënieve jotradicionale”, që i referohet marrëdhënieve LGBT, raportoi Reuters.

Prokurori i Shtetit i Bjellorusisë Andrey Shved u tha deputetëve se është përgatitur një projektligj që përcakton përgjegjësinë administrative për promovimin e “marrëdhënieve jonormale, pedofilisë dhe refuzimit vullnetar për të pasur fëmijë”, sipas Reuters, duke shtuar se projektligji është në proces të adoptimi.

Homoseksualiteti u dekriminalizua në Bjellorusi në vitin 1994, por martesat e të njëjtit seks nuk njihen në atë vend dhe Paradat e Krenarisë nuk lejohen.

Ligji për propagandën kundër homoseksualëve u miratua në Rusi në vitin 2013, dhe sipas tij, shprehja publike e stilit të jetesës së anëtarëve të popullsisë LGBT është e ndaluar. Dhjetorin e kaluar, Gjykata e Lartë e Rusisë ndaloi atë që e quajti “lëvizja sociale ndërkombëtare LGBT”, duke e etiketuar atë një organizatë ekstremiste.

LEXONI GJITHASHTU:

• Bjellorusia fut Current Time në listën e organizatave ekstremiste
• Lukashenko: Bjellorusia i mbijetoi sanksioneve perëndimore