Blendi Çeka: PS është rritur në Elbasan. Mëhilli: Vrasja stepi të pavendosurit

Eksperti i çështjeve zgjedhore, Blendi Çeka thotë se në bazë të Exit Poll-ev të Euronews Albania dhe MRB, Partia Socialiste është rritur në Elbasan.

Por, ai tha se mbetet të shihet me shumë interes rezultati që kanë marrë partitë e vogla të cilat edhe pse mund të mos marrim mandate deputeti do të ndikojnë në shpërndarjen e tyre tek partitë e mëdha.

“8 mandat për PS më duken të sigurtë. Partitë e vogla në Elbasan kanë marrë një për qindje të konsiderueshme janë 6.8%. PS është rritur me 1 mandat në krahasim me 2017. Duhet parë numërimi për partitë e vogla që nuk marrin mandate”, u shpreh Blendi Çeka.

Kurse për shpërndarjen e mandateve në Qarkun e Durrësit, eksperti i çështjeve zgjedhore tha se e vetmja mundësi që opozita të ketë më shumë mandate është që PD të dalë parti e parë.

“Për Durrësin probaliteti që PD të marrë 7 mandate duhet të ketë një votë më shumë se sa PS. LSI e ka mandatin e sigurt në Durrës, por edhe këtu duhet parë numërimi”, tha ai.

Ndërsa për eksperten e komunikimit Erla Mëhilli ngjarja e fundit në Elbasan mund të ketë ndikuar në rezultat duke bërë që të pavendosurit që do të votonin PD të mos dilnin në votim.