Blinken: Kina, kërcënimi më serioz dhe afatgjatë për rendin ndërkombëtar

Sekretari amerikan i Shtetit, Antoni Blinken deklaroi se Kina përbën kërcënimin më të serioz dhe afagjatë për rendin ndërkombëtar.

Deklaratën, Blinken e dha gjati një fjalimi në Universitetin George Washington të enjten.

“Edhe pse lufta e Presidentit Putin vazhdon, ne do të mbetemi të përqendruar në sfidën më serioze afatgjatë ndaj rendit ndërkombëtar dhe kjo është ajo e paraqitur nga Republika Popullore e Kinës”, tha Blinken.

Në lidhje me deklaratën e Blinken, reagoi zëdhënësi i ministrisë së jashtme të Kinës, Wang Wenbin, shkruan Euronews.

Sipas Wenbin, qëllimi i SHBA-ve është që të ruajë hegjemoninë e saj dhe të mos lejojë zhvillimin e mëtejshëm të Kinës.

Marrëdhëniet SHBA-Kinë ranë në nivelin më të ulët në dekada nën administratën e ish-presidentit Donald Trump dhe janë përkeqësuar më tej me presidentin aktual Joe Biden.

Pak ditë më parë, Biden tha se Shtetet e Bashkuara do të ishin të gatshme për të ndërhynin ushtarakisht në rast se Kina do të pushtonte Tajvanin.

LEXONI GJITHASHTU

• Biden: SHBA do të mbronte ushtarakisht Tajvanin, në rast pushtimi nga Kina
• Kina realizon stërvitje ushtarake teksa delegacioni amerikan viziton Tajvanin