Sekretari amerikan i Shtetit Antony Blinken dhe homologu i tij kinez Wang Yi janë takuar këtë të shtunë në në margjinat e takimit të ministrave të jashtëm në Laos.

Diplomatët më të lartë nga Kina dhe Shtetet e Bashkuara filluan bisedimet në Laos të shtunën, ndërsa dy fuqitë globale përpiqen të ruajnë linjat e komunikimit, pavarësisht nga rivaliteti i tyre i thelluar dhe tensionet rajonale në Azi.

Tensionet mes SHBA-së dhe Kinës kanë vazhduar muajt e fundit, edhe pse administrata e Presidentit Joe Biden ka kërkuar të stabilizojë marrëdhëniet e vështira midis dy rivalëve globalë.

Pushtimi rus i Ukrainës, si dhe lëvizjet gjithnjë e më këmbëngulëse të Kinës në Detin e Kinës Jugore dhe kërcënimet ndaj Tajvanit, vitet e fundit kanë acaruar marrëdhëniet Uashington-Pekin.

SHBA-ja dhe Bashkimi Evropian në muajt e fundit kanë akuzuar Kinën për forcimin e sektorit të mbrojtjes së Rusisë me eksportin e mallrave me përdorim të dyfishtë dhe sanksionuan dhjetëra kompani në Hong Kong dhe Kinën kontinentale për shmangien e masave të gjera të vendosura ndaj Rusisë.

Pekini ka mohuar furnizimin me armatim dhe pohon se mban kontrolle të rrepta për mallra të tilla.

LEXONI GJITHASHTU:

• Blinken emëron Tom Sullivan si këshilltar për të zëvendësuar Chollet
• Sekretari Blinken: Mbështetja e Kinës për Rusinë duhet të marrë fund