Blinken thotë se fokusi i ditëve të ardhshme do jetë zgjatja e armëpushimit në Gaza

Ndërsa Sekretari amerikan i Shtetit Antony Blinken kthehet në Lindjen e Mesme, ai do të fokusohet në zgjatjen e pauzës në ofensivën e Izraelit në Gaza nw mwnyrw qw tw merren personat e marrw peng.

Blinken do të bëjë udhëtimin e tij të tretë në rajon, me takime në Izrael, Bregun Perëndimor dhe Emiratet e Bashkuara Arabe në ditët në vijim.

Ai do të arrijë në Izrael pasi armëpushimi i ndërmjetësuar nga SHBA, Katari dhe Egjipti është në prag të pwrfundimit.

“Ne do të donim të shohim zgjatjen e pauzës sepse ajo që ka mundësuar, para së gjithash, është lirimi i pengjeve dhe bashkimi me familjet e tyre,” tha Blinken.

“Ne do të diskutojmë me Izraelin se si mund të arrijë objektivin e tij për të siguruar që sulmet terroriste të 7 tetorit të mos ndodhin më, ndërkohë që do të mbështesim dhe rrisim ndihmën humanitare dhe do të minimizojmë vuajtjet dhe viktimat e mëtejshme midis civilëve palestinezë”, tha diplomati i lartë amerikan.

Ai tha se do të përqendrohej, si në udhëtimet e kaluara, për të siguruar që konflikti të mos përhapet, dhe në “të nesërmen” për Gazën.

LEXONI GJITHASHTU: 

• Moska akuzon Perëndimin: Po kërcënon ekzistencën e OSBE-së
• Ministri serb i Mbrojtes falenderon ambasadorin rus: Ju ruani territorin tonë