Bota të bëjë përpjekje për zbatimin e ligjeve ndërkombëtare, thotë Lavrov

Ministri i Jashtëm rus Sergei Lavrov deklaroi se të gjitha shtetet duhet të bëjnë përpjekje për të mbrojtur ligjet ndërkombëtare pasi bota po evoluon në një mënyrë të ndërlikuar.

Deklaratën, Lavrov e dha këtë të mërkurë në një takim me homologun e tij vietnamez, Bui Thanh Son në kryeqytetin e Vietnamit, Hanoi, shkruan Reuters.

Deklarata e tij vjen pasi Rusia është akuzuar nga vendet perëndimore për shkelje të ligjit ndërkombëtar përmes pushtimit të Ukrainës.

Udhëheqësit e Bashkimit Evropian i kanë kërkuar Moskës që t’i përmbahet urdhrit të Gjykatës Ndërkombëtare të drejtësisë, sipas së cilës, Rusia duhet të tërhiqet nga Ukraina.

Vietnami dhe Rusia kanë lidhje të ngushta të cilat datojnë që nga epoka sovjetike dhe Hanoi zyrtar deri më tani nuk e ka dënuar luftën në Ukrainë, të cilën Moska e quan një operacion special ushtarak.

Vizita e Lavrov në Hanoi vjen pasi të dyja vendet shënojnë 10 vjetorin e partneritetit strategjik gjithëpërfshirës.

LEXONI GJITHASHTU

• Separatistët pro rusë thonë se Ukraina ka bombarduar Donetskun
• Donetsku objektivi i radhës i Rusisë pasi fitoi në Luhansk