Bota, 8 miliardë banorë, rritja më e madhe nga vendet në zhvillim

Në ditët e ardhshme popullsia e botës do të prekë kuotën e 8 miliardëve, me rritjen më të madhe që do të vijë nga vendet në zhvillim.

Mes tyre spikat India, popullsia e të cilës po rritet në 1.4 miliard. Ndërkohë, popullsia totale e vendeve me të ardhura të ulëta do të dyfishohet mes viteve 2020-2050.

Popullsia e botës është rritur ndjeshëm në dekadat e fundit, nga rreth 2 miliardë që ishte në 1950-n. Objektivi është të arrijë në 10 miliardë brenda 2050-s.

Kuotat e lindjeve variojnë nga vendi në vend, duke u rritur tek ato që kanë ulur vdekshmërinë foshnjore dhe përmirësuar shëndetësinë.

Në zona të tjera, përfshirë Evropën, nivelet e lindjeve po ngadalësohen për shkak të një seri faktorëve, mes të cilëve spikat ai ekonomik.

Opinioni publik është i ndarë nëse rritja e popullsisë duhet vlerësuar. Fondi i OKB-së për Popullsinë thotë se rritja është një gur kilometrik që mund të festohet dhe njëkohësisht një rast për të reflektuar.

LEXONI GJITHASHTU: 

• Shqiptarët nuk mendojnë se burrat janë më të aftë se gratë në politikë
• Ylli Manjani: Skandal që vendimet për fëmijën i merr nëna apo babai