Braimllari: Protestat do të vijojnë deri në rrëzimin e Edi Ramës

Nënkryetari i Partisë së Lirisë, Endrit Braimllari është shprehur se protesta e ditës së sotme e realizoi objektivin e saj.

I ftuar në emisionin “Review“, në Euronews Albania ai tha se do të ketë një valë protestash deri në largimin e kreut të qeverisë Edi Rama.

Sipas tij kemi një qeveri që tenton vetëm të godasë opozitën.

“Protesta realizoi objektivin e saj. Kjo protestë nis një valë të tjerash protestash. Ndjehem i kënaqur nga protesta. Pashë të jashtëzakonshme të qytetarëve të Tiranës. Protesta është startimi i një vale protestash, ku ditën e hënë do të jemi para parlamentit deri sa të rrëzojmë Edi Ramën. Kemi një qeveri që tenton të godasë opozitën. Kjo protestë ishte shumë serioze dhe kishte një kuptim shumë më të gjerë se protestat e mëparshme”- tha ai.

LEXONI GJITHASHTU: 

• Deputeti i PD: Qytetarët nuk donin një protestë të tillë, por i frenuam ne
• Ushtria e Ukrainës pretendon se ka shkatërruar 20 dronë iranianë gjatë sulmit rus