Britania do t’i sigurojë NATO-s trupa për mbështetjen e Kosovës

Ministria e Mbrojtjes e Britanisë ka transferuar komandën e një batalioni të ushtrisë në NATO, në mënyrë që të mund të ofrojë mbështetje në Kosovë nëse kërkohet.

Një përplasje midis policisë dhe serbëve të armatosur të strehuar në një manastir e ktheu një fshat të qetë në veri të Kosovës në një zonë lufte në fillim të kësaj jave, shkruan Reuters.

“Për shkak të situatës aktuale në Kosovë, ne kemi transferuar komandën e Batalionit të Parë të Regjimentit Mbretëror të Princeshës së Uellsit – një forcë rezervë për Forcën e NATO-s në Kosovë (KFOR) – në NATO, në mënyrë që të mund të ofrojë mbështetje nëse kërkohet”, tha Ministria britanike e Mbrojtjes në një deklaratë.

LEXONI GJITHASHTU:

• Kurti mirëpret vendimin e NATO-s për forca shtesë në Kosovë
• NATO njofton shtimin e trupave të KFOR-it në Kosovë