Britania e Madhe sanksionon Berishën, Çipa: Goditje edhe për fatin e opozitës

Gazetari Aleksandër Çipa thotë se vendimi i Britanisë së Madhe për të shpallur ‘non grata’ kryetarin e Partisë Demokratike, Sali Berisha është edhe një goditje për pozicionin dhe fatin e mëtejshëm të opozitës.

Në një intervistë për “Euronews Albania”, Çipa u shpreh se Berisha nuk ka ndërmend ta trajtojë si një problem individual, por do të përfshijë edhe Partinë Demokratike.

“Duket edhe më problematikë për pozicionin dhe fatin e mëtejshëm të opozitës së vendit dhe këtë e them në varësi të pohimit të zotit Berisha se tashmë në kërkim të së vërtetës së tij, që është një e vërtetë individuale, ai do të ketë bashkë edhe Partinë Demokratike.

Që do të thotë se zoti Berisha nuk ka ndërmend ta përjashtojë problemin e non gratave që po pason pas atj atë të Departamentit të Shtetit dhe Britanisë së Madhe, duke mbartur cilësinë e kryesuesit të Partisë Demokratike”, tha gazetari.

Sali Berisha deklaroi këtë të premte se i është ndaluar hyrja në territorin e Britanisë së Madhe.

Sipas tij, vendimi është në vazhdën e shpifjeve të sponsorizuara nga Soros.

Arsyetimi që Berisha kishte marrë për këtë vendimi ishin lidhjet me grupet e krimit të organizuar dhe kriminelë të cilët kanë paraqitur një rrezik për sigurinë publike në Shqipëri dhe Britani dhe korrupsioni.

Pavarësisht se vendimi është konfidencial, Berisha theksoi se e bëri publik për qytetarët shqiptarë me të cilët ka qenë gjithnjë i vërtetë.

LEXONI GJITHASHTU

• Për lidhje me krimin s’jam akuzuar as nga kundërshtarët, pretendon Berisha
• Berisha: Më kanë ndaluar hyrjen në Britaninë e Madhe