“Britania është një vend armik”, Peskov: Putin nuk do të uroj Starmer për fitoren

Zëdhënësi i Kremlinit Dmitry Peskov tha sot se Londra mbetet armiqësore ndaj Moskës, prandaj nuk ka gjasa që presidenti rus Vladimir Putin të përgëzojë kryeministrin e sapoemëruar britanik Keir Starmer për fitoren e tij në zgjedhjet parlamentare.

“Britania është një vend armik, pse ta bëjmë këtë. Gjithçka varet nga iniciativat e tij (Starmer). Nuk ka gjasa që ai të paraqesë ndonjë iniciativë paqësore dhe krijuese”, tha Peskov, transmeton TASS.

Si rezultat i zgjedhjeve të mbajtura dje, Partia e Punës fitoi 412 mandate në Dhomën e Ulët të Parlamentit.

Starmer u bë kryeministri i 58-të në historinë britanike dhe vetëm i shtati nga Partia Laburiste që mban këtë post.