English

Britania kufizon cigaret ‘Vapes’, Sunak: Masa, për reduktimin e përdorimit

KOMENTE

SHPERNDAJE
ARTIKULLIN

Text sizeAa Aa

Qeveria në Mbretërinë e Bashkuar ka njoftuar se cigaret elektrike do të ndalohen në kuadër të një plani për të frenuar numrin në rritje të të rinjve që i përdorin ato.

- Advertisement -

Masat do të prezantohen edhe për të parandaluar që cigaret elektrike, të njohura si “Vapes”, t’u shiten fëmijëve nëpër dyqane dhe markete.

Shifra të publikuara nga shoqata Aksioni ndaj Duhanit dhe Shëndeti sugjerojnë se 7.6 për qind e fëmijëve të grupmoshës nga 11 në 17 vjeç konsumojnë rregullisht ose rastësisht cigaret elektrike, duke ardhur në rritje nga kuota prej 4.1 % që ishte në 2020-n.

Ndalimi pritet të zbatohet në mbarë Britaninë e Madhe, ku shitja e “Vapes” për fëmijët nën moshën 18 vjeç është e ndaluar, por ku shitja e tyre me përmasa më të vogla dhe me paketa shumëngjyrëshe kanë ndikuar në rritjen alarmante të përdorimit nga të rinjtë.

Duke njoftuar planin ditën e hënë, kryeministri Rishi Sunak deklaroi se është e drejtë të ndërmerret një aksion i fortë për të ndaluar cigaret tek fëmijët.

“Fëmijët nuk duhet të konsumojnë cigare të tilla. Nuk duam që ata të bëhen vartës dhe ende nuk e dimë me saktësi impaktin e tyre tek shëndeti”, tha Sunak.

Kreu i qeverisë sugjeroi se propozimet e bëra vendosin balancën e duhur mes kufizimit të aksesit të fëmijëve tek këto lloj cigaresh dhe lejimit të aksesit për duhanpirësit në moshë të madhe, që përpiqen të lënë duhanin.

Sipas Sistemit Shëndetësor Britanik, cigaret e stilit “vapes” janë më pak të dëmshme se duhani tradicional, por nuk qarkullojnë aq gjatë në treg sa të njihen rreziqet e saj.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×