Britania ndalon me ligj tualetet pa “gjini” në zyra dhe restorante

Baret, restorantet dhe zyrat në Mbretërinë e Bashkuar do të ndalohen të përcaktojnë ambiente të reja si tualete neutrale ndaj gjinisë, sipas ndryshimeve në ligj që do të hyjnë në fuqi më vonë këtë vit.

Ministrat britanikë thanë se ndryshimet në ligj do të rrisin “sigurinë, privatësinë dhe dinjitetin” e grave. Bazuar në këto ndryshime në ligj, ndërtesat e reja publike dhe të biznesit do të duhet të kenë tualete të veçanta për burra dhe gra, raporton Times.

Sipas këtyre dispozitave, ata që nuk mund ta ofrojnë këtë do të duhet të kenë një dhomë që përfshin një tualet, lavaman dhe tharëse duarsh pas një dere që mbyllet.

Ministrat thanë se vendimi do t’i jepte fund rritjes së numrit të të ashtuquajturave tualete “neutrale ndaj gjinisë” që mohojnë privatësinë. Ndryshimet në ligj, megjithatë, u kritikuan nga aktivistët e të drejtave LGBTQ, të cilët paralajmëruan se ai do të margjinalizonte më tej njerëzit transgjinorë.

Qeveria britanike propozoi fillimisht ndryshimet në ligj vitin e kaluar, pavarësisht një fushate të fortë nga kundërshtarët e ndryshimeve të cilët thanë se gratë transgjinore do të rrezikoheshin për sigurinë e tyre duke u detyruar të përdorin tualetet e burrave.

Një sondazh nga YouGov në fillim të këtij viti zbuloi se 48 për qind e njerëzve ndihen të pakëndshëm duke përdorur tualete neutrale gjinore, duke përfshirë 57 për qind të grave.

LEXONI GJITHASHTU:

• Cameron në Kiev: Britania do ta ndihmojë Ukrainën sa të jetë e nevojshme
• Britania vendos sanksione të reja kundër Iranit