Broja kryen testet mjekësore te ekipi i ri, shumë pranë firmosjes së kontratës

Sulmuesi i Kombëtares shqiptare Armando Broja është shumë pranë kalimit te ekipi i Ipswich në Premiere League.

Eksperti i merkatos, Fabricio Romano, ka shkruar në rrjetin social “X”, se sulmuesi kuqezi ka kryer testet mjekësore dhe pritet të nënshkruajë kontratën gjatë paradites së të mërkurës.

Marrëveshja përfshin një huazim 1-vjeçar me të drejtë blerje për 30 milionë paund, në rast se Ipswich siguron qëndrimin në Premier Ligë.

Broja mori pjesë në turneun parasezonal të Chelseat në Shtetet e Bashkuara, por filloi stërvitjen me ‘grupin e huazimit’ të Chelseat kur u kthye në Londër pasi nuk u përfshi në planet e trajnerit për sezonin e ardhshëm.

LEXONI GJITHASHTU:

• Vazhdon fluksi në Kakavijë, lëvizën 13 mijë persona në 24 orë
• Fluks në doganën e Kakavijës, rreth 25 mijë persona lëvizën në kufi gjatë fundjavës