Brukseli pritet të mbështesë Ukrainën për anëtarësim në BE

Të premten pritet që Brukseli të rekomandojë që Ukraina të bëhet kandidate për anëtarësim në Bashkimin Europian, shkruan Euronews.

Vendimet për Moldavinë dhe Gjeorgjinë gjithashtu do të shpallen në të njëjtën kohë. Nëse Komisioni Europian favorizon dhënien e statusit të kandidatit për njërën nga këto tre shtetet, udhëheqësit e vendeve të BE-së do të thonë fjalën e fundit në një samit në Bruksel më 23-24 qershor.

Kjo lëvizje e Brukselit vjen një ditë pasi udhëheqësit e tre shteteve më të mëdha anëtare të bllokut bënë udhëtimin e tyre të parë në Kiev dhe deklaruan mbështetjen e tyre për ofertën e Ukrainës.

Macron këmbënguli se do të ofronte “shpresë për Ukrainën dhe popullin e saj, ndërsa kancelari gjerman Olaf Scholz deklaroi se “Ukraina i përket familjes europiane”.

Ukraina shpalli dëshirën e saj për t’u bashkuar me BE-në vetëm katër ditë pasi Rusia nisi sulmin e saj më 24 shkurt.

LEXONI GJITHASHTU:

• BE forcon rregullat kundër dezinformimit në internet
• Lufta në Ukrainë, Kryqi i Kuq paralajmëron për dezinformata