Bukureshti fajëson Rusinë për shkeljen e hapësirës ajrore në Rumani dhe Moldavi

Ministria e mbrojtjes në Bukuresht tha në një deklaratë se avionët luftarakë rumunë F-16 dhe gjermanë Eurofighter Typhoon të stacionuar në Rumani u dërguan për të kapur disa dronë që u gjurmuan pranë dhe në hapësirën ajrore të vendit të martën në mëngjes.

Ministri rumun i Mbrojtjes, Ionuț Moșteanu, tha se pilotët me shumë gjasa nuk i kanë qëlluar dronët për shkak të frikës se mbeturinat mund të shkaktojnë dëme në tokë.

“Kemi të bëjmë me një provokim të ri rus kundër Rumanisë, një dron të cilin ushtria rumune dhe avionët gjermanë Eurofighter janë përpjekur ta rrëzojnë. Supozimi im është se pilotët analizuan dëmet e mundshme kolaterale dhe.zgjodhën të mos angazhoheshin”, u shpreh ai.

Rumania, anëtare e NATO-s dhe BE-së, ka përjetuar një numër shkeljesh të hapësirës ajrore që i atribuohen dronëve rusë gjatë luftës së vazhdueshme në Ukrainë.

Inkursioni i fundit ishte më i thelli në Rumani deri më tani, me një dron që arriti një zonë rreth 100 kilometra në brendësi të tokës, dhe erdhi pas sulmeve me dron rus që shënjestruan portet në Ukrainë gjatë natës nga e hëna në të martë pranë kufirit rumun.

LEXONI GJITHASHTU:

• Dronët vendosin në alarm Rumaninë, autoritetet ngrenë në ajër avionët luftarakë
• Presidentja e Moldavisë në Samitin e Euronews: Në vitin 2030 jemi pjesë e BE-së