Burgim i përjetshëm për vrasjen e grave, Senati italian miraton projektligjin

Senati italian miratoi unanimisht një projektligj që fut një krim të ri në Kodin Penal: vrasjen e grave, që dënohet me burgim të përjetshëm.

Neni i ri 577-bis përcakton se kushdo që vret një grua nga urrejtja, diskriminimi, kontrolli ose sepse ajo është grua do të dënohet me burgim të përjetshëm , raporton Rai Uno.

Projektligji thotë se femicidi konsiderohet i kryer edhe kur motivi është refuzimi i gruas për të filluar ose vazhduar një marrëdhënie emocionale dhe një përpjekje për të kufizuar liritë e saj personale.

Ligji parashikon heqjen e afatit kohor prej 45 ditësh për përgjimin në rastet e formave më të rënda të dhunës ndaj grave, gjë që, siç thuhet në shpjegimin e aktit të propozuar, do të lehtësojë punën e autoriteteve gjyqësore në hetimin dhe vërtetimin e këtyre krimeve .

Projektligji duhet të miratohet nga Dhoma e Ulët e Parlamentit italian, dhe më pas duhet të nënshkruhet nga Presidenti i Republikës.

LEXONI GJITHASHTU:

• Papacuri, italiani që qëndroi pranë Borsellinos: Ja çfarë mbaj mend nga ai
• Nga Cagliari te Frosinone, Alen Sherri nis aventurë të re në Itali