Përplasja me Veliajn, Bushati: Merret me biografinë time, rri me fëmijët e Byrosë

Analisti Andi Bushati sqaroi përplasjen që pati një ditë më parë në rrjetet sociale me kryebashkiakun e Tiranës Erion Veliaj.

Në një intervistë për Euronews Albania, Bushati u shpreh se Veliaj po bën propagandë dhe po mban standard të dyfishtë kur e cilëson djalë blloku, ndërkohë që siç tha ulet në tavolinë dhe qeveris me fëmijët e ish-byrosë politike.

Sipas Bushatit, nuk ka rëndësi se ku lind, por si zgjedh të jetosh e të formohesh, gjë që sic tha e ka treguar gjithmonë duke u rreshtuar kundër çdo autokrati.

“Më vjen keq që në Shqipëri bëhet akoma politikë me biografi, akoma më shumë më vjen keq që një 40-vjeçar ka fjalorin e një 80-vjeçari si Berisha. Është propagandë dhe standard i dyfishtë; po të ishte vërtetë i prekur s’do ulej në një qeveri me fëmijët e byrosë politike. Nëse e ke këtë standard, s’e zbaton vetëm me mua. Sot i kam kthyer përgjigje Velisë, dikur edhe Berishës, duke besuar se njeriu nuk gjykohet për vendin ku ka lindur, por si ndërtohet”, tha Bushati.

LEXONI GJITHASHTU:

• Duhen marrë armët kundër Ramës, s’ka rrugë tjetër, thotë Bushati
• Bushati: S’kam votuar kurrë djathtas, përballë Berishës e Bashës do votoja Patozin