Bylykbashi: Këshilli Politik sukses derisa ndërhyri Rama brutalisht

Oerd BylykBashi, përfaqësuesi i PD-së në Këshillin Politik, e quajti Këshillin Politik një instrument të suksesshëm, i cili nuk u kthye në vëgel nga kryeministri Rama.

Duke biseduar me Neritanin Sejaminin në emisionin ‘Me pak fjalë’, Bylykbashi tha se deri në 30 qershor, Këshilli Politik punoi dhe ndihmoi për rritjen e standardeve të zgjedhjeve:

“Deri në 30 qershor Këshilli Politik përmbushi detyrën për të cilën u ngrit më 14 janar: bërjen e një reforme konsensuale që trajtonte rekomandimet e OSBE/ODIHR-it dhe përpiqej të ngrinte standardin e legjislacionit zgjedhor.

Deri në 30 qershor ishte një sukses. Sigurisht mund të bënim më mirë por 5 qershori tregoi kush ishin limitet, sa mund të arrinte politika shqiptare, jo thjesht për konsensus por dhe për trajtimin e rekomandimeve.”

Bylykbashi akuzoi kryeministrin Rama se tentoi ta pëdorë Këshillin në mënyrë brutale:

“Në fazën kur Rama në mnëyrë brutale ndryshoi Kushtetutën dhe Këshilli u bë pjesë e atij distkutimi dhe faza e ndryshimeve në Kodin Zgjedhor, veprimi i turpshëm i parlamentit në raport me traditën politike shqiptare, Rama u përpoq ta përdorte këshillin si fasadë.

Por nuk ia arriti. Këshilli nuk i dha mundësinë që të ketë një element konsensusi që ai ta përdorë dhe në fund fare është e qartë që ai bëri atë që donte të bënte: shkeli rregullat për hallin që ka.”