Gjykata e Apelit në Tiranë ka caktuar 11 qershorin (ora 10:00) si datën kur do të rinisë sërish gjykimin lidhur me çështjen e vulës dhe statutit të Partisë Demokratike.

Realtore është gjyqtarja Alma Ahmeti me pjesëtare të trupës gjykuese Iliba Bezati dhe Elona Toro që do të rishqyrtojnë në vijim çështjen e nisur që në 2021.

Vendimi që do të marrë kjo treshe gjyqësore do të jetë një vendim i formës së prerë.

Kolegji i Gjykatës së Lartë vlerësoi se rekursi i paraqitur nga pala kërkuese në këtë gjykim, Partia Demokratike e Shqipërisë, përfaqësuar nga Komisioni i Rithemelimit përmban shkaqe të cilat, e bëjnë të cenueshëm vendimin e dhënë nga Gjykata e Apelit të Juridiksionit të Përgjithshëm.

Tre muaj me parë Gjykata e Lartë vendosi të prishë vendimin e Gjykatës së Apelit të Juridiksionit të Përgjithshëm të Tiranës, me argumentin se “ka lejuar shkelje procedurale që e bëjnë të cenueshëm vendimin e dhënë prej saj”.

LEXONI GJITHASHTU:

• Vula e PD/ Gjykata e Lartë e dërgon për rigjykim në Apel çështjen
• Vula e PD/ Sefa: Gjykata e Lartë të zbardhë vendimin, duam përgjigje përfundimtare