Cameron: Të përdorim paratë nga asetet e ngrira ruse për të rindërtuar Ukrainën

Sekretari i Jashtëm i Mbretërisë së Bashkuar, David Cameron, ka thënë se ka një argument të fortë për sekuestrimin e aseteve të ngrira ruse dhe shpenzimin e tyre për rindërtimin e Ukrainës.

Sipas mediave të huaja, komentet Cameron i bëri teksa po viziton aktualisht Uashingtonin ku do të takohet me sekretarin e shtetit të SHBA, Antony Blinken.

Përpara takimit, Cameron tha: “Në vend që thjesht t’i ngrijmë ato para, le t’i marrim ato para, t’i shpenzojmë për rindërtimin e Ukrainës dhe kjo është një parapagim për reparacionet që Rusia një ditë do të duhet të paguajë për paligjshmërinë me pushtimin që ata kanë ndërmarrë.

“Unë i kam parë të gjitha argumentet dhe deri më tani, nuk kam parë asgjë që më bind se kjo është një ide e keqe”, shtoi ai.

Ai u kërkoi gjithashtu politikanëve në SHBA që të miratojnë një paketë të re ndihme ushtarake për Ukrainën pasi republikanët bllokuan marrëveshjen.

“Nëse SHBA voton paketën e mbështetjes për Ukrainën, kjo do t’u japë një mbështetje të madhe vendeve evropiane,” tha ai, pas thirrjeve nga presidenti Joe Biden që inkurajoi Kongresin për të miratuar ndihmën.

LEXONI GJITHASHTU:

• Putini urdhëron ushtrinë të shtojë edhe 170.000 trupa në Forcat e Armatosura
• Putin nënshkruan buxhetin më të madh të Rusisë, rrit shpenzimet për ushtrinë