‘Çantën e mbushur me para’, Guerriero: McGonigal më tha se i kishte fituar në bast

Allison Guerriero  ish- e dashura e Charles McGonigal tregoi për jetën që bënte ky i fundit.

Në një intervistë ekskluzive për emisionin “Review” në Euronews Albania, tha se me McGonigal shkoni në restorante të shtrenjta ndërsa theksoi se tashmë që është njohur me akuzat e ish-të dashurit e pyet veten se nga i kishte marrë të gjithë ato para.

Më tej ajo tregoi rastin kur pa në shtëpi një çantë me para,  të cilat McGonigal i kishte thënë se ishte bast i një loje bejsbolli të cilën e kishte fituar.

Pjesë nga Intervista:

A bënte McGonigal një stil jetese që përputhej me të ardhurat e tij?

Allison Guerriero: Nuk e di, sepse nuk shpenzonte shumë për mua, thjesht shkonim në restorante të shtrenjta. Nuk jam një person materialist dhe nuk i kam kërkuar asnjëherë të më blinte gjëra. Gjithmonë shkonte në vende të shtrenjta por më thoshte që ishte për punë. Tani që shoh akuzat, edhe unë pyes veten se nga i kishte marrë ato para?

Më përshkruaj pak momentet kur keni parë çanta me para në shtëpi?

Allison Guerriero: Në një mëngjes kur ne po shkonim për në punë, më ra në sy afër këpucëve në dysheme një çantë plastike me para të thata. E pyeta se për kë ishin dhe nga vinin, por më tha që kishte vënë një bast në një lojë bejsbolli dhe kishte fituar. Unë e besova sepse nuk kisha arsye për të mos e besuar. Unë isha e zënë me punët e mia dhe thashë: OK, shumë bukur! Nuk i kushtova shumë rëndësi veprimeve të tij. Gjatë marrëdhënies tonë në janar të 2017 unë kam pasur një ndërhyrje vazektomi e dyfishtë dhe kam qenë shumë e shqetësuar për veten time.

Nuk kam pasur shumë mendjen se çfarë bënte Charlie. Kisha punën dhe një sëmundje të rëndë.

A ke pasur dyshime për të ardhurat e tij?

Allison Guerriero: Nuk kam pasur dyshime për të ardhurat e McGonigal. Vetëm atë çantën me para ku pashë një sasi të madh parash të cilën e vura në pikëpyetje. Në New York të kesh para cash 5-10 mijë dollarë nuk është ndonjë gjë e madhe, është vetë jeta e tillë dhe është e zakonshme që njerëzit të kenë aq para me vete.

Nuk e kam parë herë të tjera të vijë me çanta të mëdha me para në dorë, që të më bënte të dyshojë.

LEXONI GJITHASHTU: 

• Ish-e dashura e McGonigal tregon fotot që i niste agjenti me Ramën: I ka dhe FBI
• Ish-e dashura e Mc Gonigal zbulon çfarë i tregoi FBI-së për Shqipërinë