Ç’do ndodhë në Iran? Pushteti në duart e Ajatollahut, brenda 50 ditësh…

Presidenti iranian Ebrahim Raisi humbi jetën në një incident ajror, duke i hapur rrugë mbajtjes së zgjedhjeve të reja presidenciale në vend.

Por largimi i papritur i klerikut të linjës së ashpër nuk pritet të prekë linjat politike të Republikës Islamike, sidomos kur pushteti është në duart e liderit suprem të vendit.

Por çfarë do të ndodhë tani në Iran?

Kushtetuta iraniane është e qartë kur bëhet fjalë për një president që nuk mund të ekzekutojë detyrat e tij për shkak të sëmundjes, vdekjes apo shkarkimit nga Parlamenti.

Pas vdekjes së Raisit, lideri suprem ajatollahu Ali Khamenei caktoi zëvendës presidentin e parë Mohamad Mokhber për të drejtuar punët e vendit.

Mokhber do të organizojë zgjedhjet për një president të ri, duke punuar me krerët e Parlamentit dhe gjyqësorit, brenda 50 ditëve të ardhshme.

Në zgjedhjet e fundit, një sfidanti serioz të presidentit të ndjerë iu ndalua pjesëmarrja, duke i hapur rrugë Raisit të merrte detyrën edhe pse me numrin më të ulët të votuesve. Kjo, pasi shumica e popullsisë bojkotoi atë që e quajti një proces të paracaktuar.

Sidoqoftë, figura më e lartë dhe më e fuqishme në Iran është ajatollahu Khamenei, që ka qenë lider suprem që prej vitit 1989.

Ai është njëkohësisht komandant i përgjithshëm i ushtrisë dhe ka autoritet mbi policinë e shtetit dhe atë të moralit.

Gjithashtu, Khamenei kontrollon Gardën Revolucionare Iraniane, që ka për detyrë sigurinë e brendshme.

Ndërsa presidenti është zyrtari më i lartë i zgjedhur dhe i dyti në radhë pas ajatollahut. Ai është përgjegjës për menaxhimin e politikave të përditshme qeveritare dhe ka influencë në politikat e brendshme e të jashtme.

LEXONI GJITHASHTU:

• Irani shpall 5 ditë zie për vdekjen e presidentit, çfarë deklaroi Khamenei
• Çfarë dihet nga vdekja në aksident e presidentit iranian, momenti kur nxirren trupat