“Celular brenda burgut të Peqinit”, Gazetari: Mund të zbulojë porositësit e vrasjes

Në orët e pasdites është zbuluar gjatë kontrolleve në burgun e Peqinit edhe një aparat celular, këtë e konfirmoi në “Now në Me Erla Mëhillin”, gazetari Eni Ferhati.

Ai nuk e zbuloi emrin se kujt i përket telefoni, por tha se ky aparat celular mund të zbulojë se kush kanë qenë të interesuarit të cilët kanë dashur të ekzekutojnë Arben Lleshin.

“Mund të them që para pak orësh në burgun e Peqinit, pikërisht në kuadër të ngritjes së gatishmërisë në nivelin më të lartë sa i takon sigurisë dhe kontrolleve që kanë  vijuar të ushtrohen. Është sekuestruar, në orët e pasdites, një aparat celular, i cili është futur në mënyrë të kundraligjshme.

Unë nuk do preferoja të tregoja se kujt i përket ky celular, por ka dyshime që mund të ketë lidhje me ngjarjen dhe nga ekspertimi i këtij telefoni, si dhe nga dëshmitë e personit që dyshohet se e ka mbajtur dhe e ka përdorur këtë aparate celular brenda burgut të sigurisë së lartë,  mund të japë mekanizmin se kush ka qenë të interesuarit për të futur armën dhe për të vrarë zotin Lleshi”, -tha Eni Ferhati.