Çështja Klosi| Çipa: Histori e paplotë, funksionarja e shtetit ngjall ndjeshmëri

Aleksandër Çipa: Deri më tani historia është e paplotë. Ajo që ngjall kaq shumë diskutim tek dosja e pastruses është fakti që Alda Klosi ka një funksion shtetërorë.

Gazetari Aleksandër Çipa tha për “Review” në Euroneës Albania se deri më tani historia e Alda Klosit dhe vjedhjes që u bë në shtëpinë e saj, nga pastruesja Rezarta Dobi, në bashkëpunim me të birin, Havier Dobi, është e paplotë.

“Jemi në kushtet e një procesi ku nuk është prezumuar as fajësia dhe as pafajësia dhe është një ndër arsyet pse në mediat tona duhet të rikthehet logjika e një procesi jo të hamendësuar, por të një procesi të ndodhur dhe të provuar. Vështirësia qëndron te prova,” – u shpreh Çipa.

Sipas tij alibi ka edhe pastruesja, alibi do të ketë edhe zonja e shtëpisë, ndërkohë që alibi mund të ketë edhe një i tretë i hamendësuar.

“Në këtë pikëpamje analiza është e paplotë. Ato që e ka shkaktuar ndjeshmërinë e lartë të opinionit publik ka të bëjë me faktin se kemi një funksionar shteti të përfshirë,” – shtoi Çipa.

LEXONI GJITHASHTU:

• Gazetari Demaj tregon detajet e dosjes së pastrueses së Alda Klosit
• Arrestimi i Alda Klosit, reagon prokuroria: Hetime komplekse, ja për çfarë akuzohet