Çështjet e korrupsionit, Dumani: Dosjet po adresohen në sektorin e hetimit financiar

Në mbledhjen e sotme të Këshillit Kombëtar të Integrimit, kreu i SPAK, Altin Dumani tha se tashmë çështjet që kanë të bëjnë me fshehjen e pasurisë apo korrupsionin , po adresohen në sektorin e hetimit financiar.

Ai shtoi se për hetimet mbetet shumë e rëndësishme edhe teknologjia, e cila është gjithnjë në zhvillim.

“Të hetosh vepra penale të korrupsionit, të fshehjes së pasurisë të deklarimit të rremë, është shumë e vështirë. Kërkon kohë dhe burime njerëzore. Më këtë vështirësi ne hasemi përditë.

Tashmë ne kemi sektorin e hetimit financiar, ku ne delegojmë një pjesë të mirë të hetimeve që kanë të bëjnë me korrupsionin.

Metodat klasike të hetimit tashmë nuk vlejnë, kanë shumë pak vlerë në procesin e provave. Përdorimi i teknikave dhe metodave speciale të hetimit bëjnë që të kesh hetime të suksesshme”,-tha Altin Dumani.

LEXONI GJITHASHTU:

• “Korrupsioni, sfidë për integrimin”, Tabaku: Dënoj kërcënimet ndaj gjyqtarëve
• Kurti kërkon që forcat shtesë të KFOR-it të ruajnë kufirin me Serbinë