Çfarë fshihet në manastirin grek? Zbulohen dokumentet më të vjetra otomane

Në një manastir mesjetar në gadishullin e Malit Athos në Greqinë verilindore, studiuesit po mësojnë më shumë se si ishte jeta në rajon më shumë se gjashtëqind vjet më parë.

Të dhënat nga Perandoria Osmane nga ajo periudhë janë pothuajse të panjohura brenda bibliotekës hermetike të Manastirit Pantokrator.

Por, studiuesit po gërmojnë për herë të parë në rreth 25,000 dokumente që mendohet se janë të dhënat më të vjetra osmane të zbuluara ndonjëherë.

Disa nga dokumentet në koleksion datojnë në vitin 1374 ose 1371. Para këtij zbulimi, studiuesit besonin se dokumentet më të vjetra osmane ruheshin në arkivat e Stambollit, të cilat datojnë vetëm në 1480 ose 1490.

“Ka rreth 1300 dokumente origjinale bizantine. Më shumë se kaq nuk ekzistojnë askund tjetër. Këtu kemi dokumentet më të lashta osmane – para rënies së Kostandinopojës – të cilat ruhen në manastiret e Malit Athos”, u shpreh At Theophilos, murg në Manastirin Pantokrator.

Mes dokumeneteve që po zbulohen në heshtjen e manastirit janë dorëshkrime të sulltanëve firma, dekrete,  akte pronësie dhe vendime gjyqësore

Komunitetit iu dha fillimisht vetëqeverisja përmes një dekreti nga perandori bizantin Basili II, në 883 pas Krishtit. Gjatë gjithë historisë grave u është ndaluar hyrja, një ndalim që ende qëndron. Ky rregull quhet “avaton” dhe studiuesit besojnë se ka të bëjë me çdo formë shqetësimi që mund të prekë malin Athos.

LEXONI GJITHASHTU:

• Si të dallohen dronët iranianë?
• BE, 18 miliardë euro ndihmë Ukrainës për vitin 2023
• ‘Putin në drejtim të kundërt’, Blinken: Moska s’tregon gatishmëri për bisedime