Çfarë ka në shishe? Irlanda, vendos në ektiketa rreziqet nga konsumimi i alkoolit

Të gjitha rreziqet shëndetësore që shkaktohen nga konsumimi i alkoolit, do të jenë të pasqyruara në etiketën e çdo shisheje alkool.

Ky është vendimi që ka marr Irlanda për të informuar qytetarët e saj që në krye të herës, kur ato të bien në kontakt me alkoolin, ende pa e provuar atë.

Sipas rregulloreve, etiketat e produkteve të alkoolit duke filluar nga viti 2026  do të përfshijnë informacione të rëndësishme, si dhe paralajmërime në lidhje me rreziqet që lidhen me konsumimin e alkoolit gjatë shtatzënisë, sëmundjet e mëlçisë dhe kancereve të shkaktuara nga alkooli.

Vendimi për të futur etiketimin e detyrueshëm shëndetësor në produktet e alkoolit erdhi si përgjigje ndaj statistikave alarmante rreth dëmeve të lidhura me alkoolin në Irlandë, në kombinim me ndërgjegjësimin e ulët të popullsisë .

Duke u ofruar konsumatorëve informacion thelbësor në lidhje me rreziqet shëndetësore, përmbajtjen e alkoolit dhe përmbajtjen e kalorive, Irlanda synon të fuqizojë individët që të bëjnë zgjedhje më të shëndetshme dhe të reduktojnë dëmet e shkaktuara nga konsumimi i alkoolit

Me rregulloret e reja në fuqi, Irlanda do të jetë vendi i parë në Europë me etiketim të plotë shëndetësor në të gjitha produktet e alkoolit dhe vendi i dytë në botë pas Koresë së Jugut që do të prezantojë paralajmërimet për kancerin në produktet e alkoolit.

LEXONI GJITHASHTU: 

• Goditi me grusht Berishën, Shehu me probleme mendore, kërkohet shtrimi në psikiatri
• “370 mln euro për rritjen e pagave”, Pano: Ja kush do ti paguajë kostot