Çfarë kërkojnë PS dhe PD me dy nismat ligjore në kuvend

Këtë të premte, në Kuvendin e Shqipërisë u dorëzuan dy nisma ligjore që tentojnë të rregullojnë lidhjen e politikës shqiptare me sistemin komunist. Njëra u depozitua nga maxhoranca socialiste dhe tjetra nga grupi parlamentar demokrat.

Partia Socialiste me kryetaren e Komisionit të Ligjeve, Klotilda Bushka prezantoi nismën për të ndërhyrë në ligjin për dosjet e ish-sigurimit të shtetit të vitit 2015 dhe në Kodin Zgjedhor.

Me ndryshimin e ligjit të dosjeve të vitit 2015-të, PS kërkon që në procesin e verifikimit të së kaluar komuniste të përfshihen edhe ata politikanë që kanë marrë çërtifikatat e pastrëtisë nga dy komisionet e mëparshme, Bezhani dhe Mezini. Bashkëngjitur me këtë kërkesë, PS propozon ndërhyrjen edhe në Kodin Zgjedhor, ku kërkon që të gjithë ata politikanë që kanë pasur më ish-sigurimin e shtetit dhe strukturat e persekutimit komunist, të mos lejohen që të mbajnë apo të kandidojnë për poste publike.

Nga ana tjetër, Partia Demokratike ka shkuar me një projekt.ligj që kërkon de klasifikimin e të gjitha dosjeve të komunizmit. Përmes nismës së grupit parlamentar demokrat kërkohet të publikohen dhe të aksesohen të gjithë dokumentet e ish-sigurimit të shtetit, dhe jo vetëm nga të prekurit.

Këto lëvizje në Parlament vijnë disa pas kërkesës që bëri Autoriteti i Dosjeve. Kërkesa e këtij institucioni erdhi bashkë me denoncimin se politikani i nivelit të lartë I.M që ka marrë certifikatë pastërtie nga Komisionet Bezhani dhe Mezini pretendohet se kishte qenë bashkëpunëtor i ish-sigurimit.

LEXONI GJITHASHTU:

• ‘Ndryshimi i ligjit për dosjet’, Rama: Shihemi në shtator